18 November 2024
Die Suid-Afrikaanse Menseregtekommissie (MRK) is een van die organisasies wat vra dat die Oranje-blanje-blou landsvlag – wat tot in 1994 die amptelik die vlag van die land was – in plasings op sosiale media verbied word.
Volgens die MRK is dié vlag ‘n simbool van haat en moet plasings van al sulke simbole op sosiale media verbied word.
Die sosiale mediareus, Meta – wat onder andere Facebook WhatsApp besit – het in Oktober met ‘n openbaredeelnameproses begin oor sy moderators se besluit om twee omstrede plasings nie te verwyder nie.
Klagtes oor dié plasings – in aanloop tot die algemene verkiesing vroeër vanjaar – voer aan dat Meta sogenaamde apartheidsimbole verromantiseer.
