14 Junie 2021
Die Suid-Afrikaanse Menseregtekommissie (MRK) sal vandag sy ondersoek na die beweerde skending van taalregte by die Universiteit van Stellenbosch voortsit.
Die MRK sal vandag en môre getuienis aanhoor van onder meer die studente-organisasie, StudentePlein, die VF Plus se leier, Pieter Groenewald en die DA se Leon Schreiber.
LEES OOK: MENSEREGTEKOMMISSIE BESOEK UNIVERSITEIT STELLENBOSCH OOR TAALKWESSIE
’n Student sal ook vandag oor die beweerde skending van haar taalregte in een van die koshuise op die Stellenbosch-kampus getuig.
Sy sal na verwagting praat oor die instruksies wat sy na bewering gekry het, glo by ’n mentor, dat Afrikaans in informele kontekste verbied word.
Die US se rektor, Wim De Villiers het vroeër aan die MRK gesê dit is onwaar dat Afrikaans in koshuise of op kampus verbied word.
