12 Januarie 2022
Die Suid-Afrikaanse Menseregtekommissie, die MRK, sê hulle het reeds ‘n saak by die gelykheidshof teen die leier van die EFF, Julius Malema, ingedien.
AfriForum het vroeër vandeesweek geëis dat die MRK antwoorde moet verskaf oor hul beloofde regsaksie teen Malema nadat hy versuim het om verskoning te vra vir haatspraak.
LEES OOK: AFRIFORUM EIS ANTWOORDE OOR VORDERING IN SAAK TEEN MALEMA
AfriForum én lede van die publiek het verlede jaar klagtes by die MRK ingedien oor uitlatings wat Malema gemaak het tydens ’n EFF-vergadering in die Wes-Kaap.
Die MRK het aan Malema skriftelik kennis gegee om die stellings, wat die MRK bevind haatspraak en aanhitsing tot geweld is, terug te trek en om verskoning te vra.
Volgens die MRK is die hofaansoek teen Malema in Desember ingedien. Die kommissie wag tans vir terugvoering van die gelykheidshof, wat tans in reses is.
