12 Mei 2021
Wetstoepassers in dele van Gauteng het opnuut gewaarsku oor skerp voorwerpe wat voor motors in paaie gegooi word in ‘n poging om motoriste te dwing om stil te hou.
Dié misdaad-tegniek het weer aan die lig gekom nadat die gemeenskapspolisiëringsforum in Lyttleton in Pretoria die brandpunte bekend gemaak het.
Volgens die GPF word skerp voorwerpe in die paaie versteek met die doel om motorbande te bars en motoriste dan gedwing word om uit te klim.
Die voorsitter van die GPF, Hugo Erasmus sê dikwels word groot klippe of ander voorwerpe ook in paaie geplaas.
Hy het ‘n beroep op motoriste gedoen om enige gevalle onmiddellik by die polisie of die plaaslike GPF aan te meld.
Erasmus het motoriste geraadpleeg om so ver moontlik te ry en dan te stop indien hulle ‘n slagoffer van hierdie misdaad-tegniek geword het.
Die brandpunte en tye (wanneer voorvalle dikwels aangemeld word) sluit in:
Die N4 van Pretoria na Witbank:
- Donkerhoek Plaza (19:00 – 04:00)
- Solomon Mahlangu-wisselaar (23:00 – 04:00)
- Proefplaas-wisselaar (19:00 – 04:00)
Die N4 Brits:
- M17 by die Garankua brug (23:00 – 04:00)
- R101 by die ou Warmbad-pad (03:00)
- R80 Hercules – Soshanguve (geen spesifieke tyd)
N1 Noord en Suid:
- Pumulani by Walmansthal (geen spesifieke tyd)
