2 Desember 2021
Nooddienste het ‘n beroep op Gautengse padgebruikers gedoen om versigtig te bestuur op die provinsie se nat paaie – nadat ‘n motoris vanoggend in ‘n botsing oorlede is.
Wydverspreide reën kom oor die provinsie voor en die Suid-Afrikaanse Weerdiens het verdere neerslae vir die res van die week voorspel.
‘n Woordvoerder van die Johannesburgse Metropolisie, Wayne Minnaar sê die noodlottige botsing het op Buccleuch-rylaan plaasgevind en die verkeer het op die N1 terug gestaan tot verby die Allandale-afrit.
Hy sê die departement se beamptes is op ‘n hoë gereedheidgrondslag geplaas terwyl die nat-weer voortduur.
