1 Junie 2024
Oud-president Jacob Zuma het die Onafhanklike Verkiesingskommissie gewaarsku om nié môre die verkiesing se uitslae aan te kondig nie.
Zuma het vanaand die OVK se Nasionale Uitslagsentrum in Midrand besoek.
Die MK Party is een van 26 partye wat die uitslag van die verkiesing betwis.
Zuma sê daar is geen haas om die uitslag aan te kondig nie, en het die OVK gevra om eers na al hulle klagte te luister voor daar enige aankondigings gemaak word.
Hy het egter nie verdere besonderhede gegee oor die beweerde ongerymdhede nie.
Zuma sê verder die OVK moet nie moeilikheid maak en hulle uitlok nie. Die MK-party is op nasionale vlak die derde grootste party met 14.6% van die stemme op hulle verenig.
Die uitslae word tans nog om 18:00 môremiddag bekend gemaak.
