26 Augustus 2024
Die Suid-Afrikaanse Onderwysersunie, die SAOU sê hy ondersteun die minister van basiese onderwys, Siviwe Gwarube se boodskap dat daar groter klem gelê moet word op moedertaalonderrig.
Gwarube het in ‘n toespraak aan die Kievet-leespaneel in Johannesburg die verskille in die onderwyssektor, waar leerders nie in hul moedertaal onderrig word nie, uitgelig.
Die uitvoerende hoof van die SAOU, Paul Sauer sê navorsing toon dat leerders wat tot op negejarige ouderdom in hul moedertaal onderrig word, beter vaar as dit kom by die verwerking van kennis.
Hy meen leesresultate kan nie net verbeter word deur bykomende druk op onderwysers in die Grondslagfase te plaas nie. Sauer sê leerders kom nie vir die eerste keer met taal in aanraking wanneer hulle graad R betree nie, en moet teen die ouderdom van ses reeds die herkenning van klanke bemeester.
Hy sê dit is belangrik dat kinderboeke en -stories in alle tale beskikbaar is om moedertaalstimulasie van jongs aan te moedig. Volgens Sauer moet ouers se rol in moedertaalonderrig en leesvaardighede nie onderskat nie
