30 September 2023
Mmusi Maimane, die voormalige leier van die DA en huidige leier van die party, Build One South Africa (BOSA) het vroeër vandag aangekondig dat hy planne het om Suid-Afrika se volgende president te word.
Hy het dit gesê tydens die party se bekendstelling van sy verkiesingsmanifes vir volgende jaar se algemene verkiesing. BOSA is verlede jaar deur Maimane op die been gebring.
Volgens hom sal hy nou amptelik sy naam in die hoed gooi as presidensiële kandidaat. “Dit is tyd vir ‘n verandering waarin alle Suid-Afrikaners saam kan werk om van die land ‘n beter plek te maak.”
Maimane meen daar is mense wat nie in hom sal glo nie, maar het dit beskryf as ‘n Dawid en Goliat oomblik. “Daar kom ‘n tyd in almal se lewens wat ‘n Dawid, klein ‘n reus soos Goliat vierkantig in die gesig moet staar.”
Volgens hom is hy reg om die land se president te word.
