Oudpresident Jacob Zuma se uMkhonto weSizwe-party mag op 29 Mei aan die verkiesing deelneem.
Twee regters het bevind dat die party se registrasie regmatig plaasgevind het.
Die ANC het aangevoer dat die MK-party gederegistreer moet word by die Onafhanklike Verkiesingskommissie en verbied word om aan die komende verkiesing deel te neem.
Volgens die ANC is MK se oorspronklike aansoek vir registrasie van die hand gewys omdat dit nie aan artikel 15 van die kieswet voldoen het nie.
Advokaat Sesi Baloyi het namens die ANC aangevoer dat die MK-party veronderstel was om daarna `n nuwe aansoek by die OVK in te dien en nie `n aanvullende aansoek soos hulle het nie.
Regter Lebogang Modiba het in die uitspraak gesê dat die ANC twee geleenthede gehad het om appél aan te teken teen MK se registrasie by die OVK maar dit nie gedoen het nie.
