20 Junie 2022
Die ministers van vervoer, indiensneming en arbeid, binnelandse sake, en polisie het vandag die media toegespreek oor hul besprekings met die vragmotorbedryf.
Dit volg nadat verskeie hoofweë, insluitend die N3 en die N12 verlede week deur vragmotorbestuurders versper is.
Die minister van indiensneming en arbeid Thulas Nxesi het tydens die konferensie gesê dat die versperring van nasionale paaie die land se ekonomiese aktiwiteite lam lê.
Daar is ook elf stappe van ingryping wat die departement van vervoer wil instel wat na verwagting die ontwrigtings en blokkades langs die nasionale paaie sal stopsit.
Die vragmotorbestuurders eis onder meer dat geen buitelanders as vragmotorbestuurders aangestel word nie, en dat die prys van petrol na om en by R11 per liter moet daal.
