13 Augustus 2021
Die minister van gesondheid, dr. Joe Phaahla het ‘n beroep gedoen op alle Suid-Afrikaners bo die ouderdom van 50 om hul inentings voor die 1ste September te kry.
Phaahla sê die regering is besig om voor te berei vir die toestroming van 18 tot 34 jariges na die inentingsentrums, wanneer die ouderdomsgroep op 1 September ook toegelaat sal word om in te ent.
LEES OOK: AANVULLENDE COVID-19-ENTSTOFVERSTERKINGSDOSIS ONDERSOEK
Hy het Suid-Afrikaners die versekering gegee dat die inentings veilig is, en dat hospitalisasie onder diegene wat ingeënt is afneem.
Volgens hom sal die land ook vandag ‘n belangrike mylpaal bereik wanneer 4-miljoen Suid-Afrikaners teen die einde van vandag ten volle teen Covid-19 ingeënt sal wees.
Hiervan is 60% vroue en 40% mans.
Hou Afrikaans op die lug
