31 Augustus 2022
Die minister van landbou, grondhervorming en landelike ontwikkeling, Thoko Didiza het die verbod op die vervoer van beeste verleng.
Die verbod is twee weke gelede ingestel in ‘n poging om die uitbreking van bek-en-klouseer te stuit. Daar is uitbrekings in KwaZulu-Natal, Limpopo, Noordwes, Gauteng, die Vrystaat en Mpumalanga, maar die verbod is landswyd ingestel.
LEES OOK: LUISTER: MINISTER PLAAS VERBOD OP DIE VERVOER VAN BEESTE TE MIDDE VAN BEK-EN-KLOUSEER
Didiza het vanoggend in ‘n verklaring gesê dat die verbod verleng is na nóg 11 gevalle van die siekte uitgebreek het. Volgens haar staan die totale gevalle nou op 127.
Die party se woordvoerder, Reggie Ngcobo sê die verlenging van die verbod sal na verwagting weer aan die einde van die week hersien word.
In reaksie op rolspelers in die landbou-bedryf se bekommernisse oor die verbod, het Ngcobo gesê dat die departement ook uiters bekommerd is oor die ekonomiese impak van die verbod op land, maar meen dit is nodig om aan die lang-termyn uitwerking van die virus op die bedryf te dink.
