Die DA het sy ongelukkigheid uitgespreek omdat die minister van verdediging en militêre veterane, Angie Motshekga, nie vanoggend se vergadering van die gesamentlike staande komitee oor verdediging bygewoon het nie.
Motshekga moes verslag doen oor die onttrekking van die Suid-Afrikaanse troepe uit die DRK.
Die DA se skaduminister, Chris Hattingh sê ten spyte van die feit dat die vergadering aanlyn gehou is, het die minister haar adjunk afgevaardig om dit by te woon.
Hattingh sê Motshekga verkies om in Rusland rond te reis, eerder as om inligting te verskaf oor noodsaaklike sake van nasionale belang. Die minister is glo in Rusland vir hulle oorwinningsdagvieringe. LP’s het haar prioriteite bevraagteken.
Putin welcomes world leaders for the Victory Day Celebrations in Russia, amongst them is South Africa’s Minister of Defence and Military Veterans Angie Motshekga 🇿🇦
— Mbuyiseni Ndlozi (@MbuyiseniNdlozi) May 8, 2025
