12 Januarie 2022
Die minister van minerale hulpbronne en energie, Gwede Mantashe, sê sy departement gaan nie sy besluit heroorweeg om eksplorasieregte aan die olie-maatskappy, Shell, toe te ken nie.
Die minister is van mening dat sy departement reeds bepaal het dat die omgewingsinvloed – tydens sy soektog na olie en gas aan die Wildekus – nie nadelig sal wees nie.
Die minister se uitlatings staan in skrille kontras met die bevinding van die hooggeregshof wat bewyse gevind het dat die soektog na fossielbrandstof onherstelbare skade aan die omgewing en see-lewe gaan aanrig.
Gemeenskappe aan die Wildekus het teen die maatskappy betoog en die hof op ‘n dringende grondslag genader om Shell se soektog stop te sit.
Mantashe sê op sy beurt die projek word onderdruk weens omgewingsbekommernisse wat van feitlik geen betekenis is nie.
