23 April 2021
Die minister van water en sanitasie, Lindiwe Sisulu sê sy het Kubaanse ingenieurs gekry om te help met die land se waterkrisis, omdat geen siviele ingenieur in Suid-Afrika se private sektor vir drie jaar lank in landelike gebiede wil woon en werk nie.
Sisulu het gister die 24 Kubaanse ingenieurs by ‘n spoggeleentheid in die land verwelkom, hoewel hulle al van Augustus verlede jaar hier doenig is.
Volgens Sisulu het die Kubane sedert Augustus al Engels geleer, en gaan hulle nou help om plaaslike ingenieurs op te lei.
Sisulu ontken dat die Kubaanse ingenieurs Suid-Afrikaners se werk steel, en sê die tenders vir die instandhoudingsprojekte sal steeds aan Suid Afrikaanse maatskappye gegee word.
