27 Augustus 2021
Die minister van gesondheid, dr. Joe Phaahla dat ‘n rekord van 1,5-miljoen mense in sewe dae ingeënt is.
Dit kom nadat die registrasie- en inentingsproses vir 18 tot 34 jariges verlede Vrydag geopen het en ongeveer 500 000 jong mense op die eerste dag geregistreer het. Phaahla het vanoggend die media toegespreek oor die regering se inentingsprogram.
LEES OOK: PRES. CYRIL RAMAPHOSA TROTS OP AANTAL JONG MENSE, WAT OPDAAG VIR INENTING
Tot dusver is meer as 11,6-miljoen Suid-Afrikaners ingeënt, waarvan meer as 5-miljoen Suid-Afrikaners ten volle ingeënt is.
Intussen sê Phaahla dat die regering bekommerd is oor die tydsduur van die derde vlaag van Covid-19 infeksies.
Hy sê die gesondheidsdepartement se syfers dui daarop dat die derde vlaag veel langer aanhou as die eerste twee golwe, en dat dit nog nie besig is om af te plat nie. Phaahla sê hulle verwag dat die vierde vlaag teen Oktober of November die land sal tref, en sê dit beteken dat daar nie veel tyd sal wees voor infeksies weer drasties toeneem nie.
LEES OOK: MINISTER VRA 50-JARIGES OM VOOR 1 SEPTEMBER HUL INENTINGS TE KRY
Phaahla sê dat Suid-Afrikaners hul deel moet doen om ingeënt te word om die druk op gesondheidswerkers te verlig. “Ons doen ‘n beroep op alle volwassenes om ingeënt te word voordat die vierde vlaag die land tref.”
Hou Afrikaans op die lug
