15 Oktober 2024
Die minister van sport, kuns en kultuur, Gayton McKenzie het die uitgawe van meer as R800 000 – om hom na die Olimpiese Spele in Frankryk te stuur – verdedig en sê dit was nie ‘n plesiertog nie.
McKenzie het onder kritiek – van onder andere ActionSA se Michael Beaumont – deurgeloop, wat hom daarvan beskuldig het dat hy die reise van die sogenaamde “super-ondersteuners” opgeskort het vir sy eie voordeel.
Die minister het hierop geregaeer deur uit te wys dat hy ses vergaderings in Parys bygewoon het en dat hy ook sy amptelike verpligtinge – soos om die Suid-Afrikaanse atlete welkom te heet – nagekom het.
Hy sê voorts dat hy lank voor die einde van die spele terug gekom het Suid-Afrika toe en dat hy nie aangebly het om die koste verder op te jaag nie.
