19 September 2023
Die minister van justisie en korrektiewe dienste, Ronald Lamola sowel as die departement se nasionale kommissaris én die paroolowerhede het nie een teen die Grondwethofafsnydatum – waarop hulle op die veroordeelde moordenaar Oscar Pistorius se paroolaansoek moes reageer – beantwoordende stukke ingedien nie.
Dié sperdatum het Vrydag, 15 September verstryk.
Volgens berigte kon die respondente nie betyds redes verskaf oor waarom Pistorius nié vir parool kan aansoek doen nie omdat ‘n amptenaar binne Lamola se departement glo olik was.
Pistorius het verlede maand die Grondwethof genader en meen hy kom reeds vir parool in aanmerking, maar dat hy nie toegelaat word om daarvoor aansoek te doen nie.
Volgens Lamola se woordvoerder, Chrispin Phiri kon die amptenaar, wat op Pistorius se aansoek moes reageer, nie die sperdatum eerbiedig nie weens die feit dat hy siek was.
Hy dien tans 13 jaar gevangenisstraf uit vir die moord op sy meisie, Reeva Steenkamp op Valentynsdag 2013.
