21 Junie 2021
Die burgemeester van die Nelson Mandelabaai-metro, Nwaba Bhanga sê die besluit om die naam van Port Elizabeth na Gqeberha te verander, is ‘n klap in die gesig van inwoners van die metro, wat die naamsverandering teengestaan het.
Bhanga sê die minister het hom afgevee aan die 65 000 teenkantings wat ontvang is teen die voorgestelde naamsverandering.
Die metro sal nou moontlike regstappe oorweeg.
Die minister van kuns en kultuur, Nathi Mthethwa het gister 23 naamsveranderinge in die Oos-Kaap bekragtig en gesê dat géén van die besware teen die hernoeming van dié plekke ‘n hersiening regverdig nie.
Naamborde van plekke soos Port Elizabeth, King William’s Town en Uitenhage kan nou verander word en die plekname van kaarte afgehaal word.
