21 Februarie 2023
Die nasionale minimum loon in Suid-Afrika sal vanaf 1 Maart na R25,42 per uur styg.
Dit is ‘n verhoging van R2,24 op die R23,18 per uur wat tans geld.
Die minister van indiensneming en arbeid, Thulas Nxesi het dié verhoging reeds in die Staatskoerant gepubliseer.
Hoewel daar voorheen voorspel is dat die minimum loon met 8% sal styg, kom dié verhoging op ‘n styging van 9,7% neer.
Dié minimum loon geld vir alle werknemers in alle sektore in Suid-Afrika. Dit sluit plaaswerkers en huiswerkers in.
