2 Februarie 2023
Meer Suid-Afrikaners het die afgelope feestyd by die huis gebly in vergelyking met vóór die Covid-19 inperkingsregulasies.
Volgens inligting wat Statistieke Suid-Afrika uitgereik het, het byna 965 000 plaaslike toeriste in Desember in die land gaan vakansie hou, terwyl daar meer as 1,4-miljoen binnelandse toeriste in 2018 en 2019 was.
Volgens ontleders kan dit moontlik die gevolge wees van die nadraai van die Covid-19 inperkings, terwyl hoër brandstofpryse ook moontlik ‘n invloed op reispatrone kon gehad het.
Daar was ook steeds beduidend minder internasionale besoekers met 2,881-miljoen wat in Desember in die land aangekom het teenoor meer as 4,65-miljoen in Desember 2019.
Tussen die derde en die vierde kwartaal van verlede jaar het die aantal buitelandse toeriste – met toeriste van elders in Afrika uitgesluit – met 31,4% gestyg.
Foto: Branding Republic Lifestyle
