23 November 2021
Die privaat speurder, Mike Bolhuis gaan ‘n span van sy ondersoekers na die Oos-Vrystaat stuur nadat die twee mans in die Brendin Horner-moordsaak verlede week op alle aanklagte teen hulle vrygespreek is.
Sekola Matlaletsa (45) en Sekwetje Mahlamba (33) is kort na die moord op Horner in Oktober verlede jaar in hegtenis geneem. Horner se liggaam is by die hek van die Bloukruin-boerdery in die Paul Roux-distrik gevind, waar hy ‘n plaasvoorman was.
LEES OOK: TWEE VERDAGTES IN HORNER-MOORDSAAK NIÉ MEER VAN MOORD AANGEKLA
Matlaletse en Mahlamba is in die rondgaande hof in Bethlehem onskuldig bevind op aanklagte van moord, roof en veediefstal nadat bewyse hulle nié op die toneel kon plaas nie.
Volgens Netwerk24 het Horner se pa, Robbie gister vir Bolhuis gekontak om met sy eie ondersoek te begin. Hy meen hy is spyt dat hy nie al vroeër vir Bolhuis gekontak het nie.
LEES OOK: BRENDIN HORNER: DNS-UITSLAE WEER IN DIE KOLLIG
Bolhuis sê sy span sal nou kyk na die werk wat die polisie gedoen het, wat hulle verkeerd gedoen het en ook wat hulle reg gedoen het.
Stem vir die Aitsa’s
