28 Julie 2021
Motoriste word aangeraai om die omgewing rondom die Benmore inkopiesentrum in Sandton te vermy weens konstruksiewerkers, wat glo naby die sentrum betoog.
Die Johannesburgse-metropolisie het teen omstreeks 09:00 vanoggend op sy Twitter-profiel gesê dat die situasie redelik onder beheer is en dat die verkeer vloei.
Dit kom nadat videos vanoggend versprei is waarin polisiebeamptes glo deur betogers “aangerand” is. Volgens die Sandton Chronicle-koerant het ooggetuies glo gesien hoe ‘n metropolisievoertuig met klippe bestook word.
Die inkopiesentrum het op sy Facebook-blad gesê dat konstruksiewerkers van ‘n gebou op die Benmore-pad betoog weens salaris-dispute. ‘n Vuur is ook buite die gebou – wat nog onder konstruksie is – begin.
Die sentrum sê hy het sy ingange op Benmore gesluit, maar die ingang by 11de Straat is steeds oop.
Hou Afrikaans op die lug
