28 Oktober 2022
Die Johannesburgse metropolisie sê beamptes is op ‘n hoë gereedheidsgrondslag, en sal ook vir die res van die naweek wees te midde van waarskuwings oor ‘n terreur-aanval in Sandton.
Dit kom nadat die Amerikaanse ambassade laat Woensdagmiddag ‘n waarskuwing aan sy inwoners in Suid-Afrika uitgereik het waarin hy waarsku dat hy berigte ontvang het oor ‘n moontlike terreur-aanval in Sandton. Talle openbare byeenkomste word vir die naweek in Sandton beplan.
LEES OOK: SANDTON CITY SAL OOPBLY TE MIDDE VAN TERREUR-WAARSKUWING
Die metropolisie se woordvoerder, Xolani Fihla sê daar sal talle padblokkades wees, en metropolisiebeamptes is ontplooi om die gebied te patroleer. Die polisie se k9-honde-eenheid word ook ingespan.
Fihla het benadruk dat die veiligheid van die stad se inwoners sy belangrikste prioriteit is. Die Sandton City-winkelsentrum sal oopbly en ander byeenkomste gaan ook voort.
