29 Augustus 2023
Die departement van gesondheid in Gauteng hou vandag ‘n sogenaamde chirurgie-marathon.
Die departement sê hulle het ten doel om vandag meer as 300 operasies uit te voer by die provinsie se 23 staatshospitale.
Volgens die departement sal die chirurgie-marathon help om die agterstand in operasies uit te wis, maar ook om aan die publiek te wys wat die vermoeë is van die openbare gesondheidsektor.
Die eerste soortgelyke marathon is op 18 Julie gehou, waartydens die departement sy teiken verbygesteek het met 728 operasies wat uitgevoer is. Tussen 19 Julie en 25 Augustus vanjaar is ‘n totaal van 10 955 operasies in openbare hospitale in Gauteng gedoen.
Die departement wil dié marathon ‘n maandelikse instelling maak.
