15 Februarie
Beamptes van die Menseregtekommissie (MRK) het by die hoërskool Jan Viljoen aangekom om ondersoek in te stel na klagtes van rassisme – deur onder andere – die LUR vir onderwys in Gauteng, Panyaza Lesufi.
Lesufi het self gister die skool besoek nadat ‘n bakleierey – wat Vrydag tussen leerders uitgebreek het – as ‘n rassevoorval bestempel is.
LEES OOK: OPVOLG: LESUFI SÊ BEWERINGS VAN RASSISME IN HOËRSKOOL VILJOEN SAL DEUR MRK ONDERSOEK WORD
Gemoedere het hoog geloop en strate moes gesluit word nadat ouers, politieke partye en burgerregtegroepe na die skool opgeruk het, en die polisie van skokgranate gebruik moes maak om die skare uiteen te jaag.
Tydens die MRK se besoek sal hulle met die skoolhoof, onderwysers en die beheerraad vergader om agter die kap van die byl te kom.
Kontakonderrig by die skool is vir eers opgeskort.
