20 Maart 2023
President Cyril Ramaphosa sê hoewel mense die reg het om te betoog, gee dit hulle nié ‘n vrypas om ander mense te intimideer, of te bedreig nie.
Ramaphosa het vanoggend in sy weeklikse nuusbrief gewaarsku dat diegene wat vandag wil betoog, nie skade moet aanrig aan eiendom, of ander mense leed aandoen nie.
Die EFF hou vandag se nasionale eendagstaking. Die party eis ‘n einde aan beurtkrag, en wil ook hê Ramaphosa moet bedank.
Intussen sê die polisiewoordvoerder, kolonel Athlenda Mathe dat 87 mense in die afgelope 12 uur in hegtenis geneem is weens openbare geweld. Volgens haar het die polisie ook beslag gelê op 24 300 bande, wat strategies geplaas was op verskeie plekke.
“Die polisie bly op ‘n hoë gereedheidsgrondslag te midde van die staking,” sê Mathe.
