20 Desember 2021
Daar’s ’n organisasie in Pretoria-Noord, genaamd Mense Gee Om/People Do Care.
Dit is ’n hartsprojek van Ruth Jacobsz en haar man, Willem Cenci.
Hulle albei het voltydse werke en wanneer hulle van die werk af kom, begin hulle vir die behoeftige gemeenskap werk. Hulle gee elke aand vir die hawelose mense in hul omgewing kos. Daarna versorg mnr. Cenci die mense se wonde gratis en hulle deel klere uit waar moontlik.
Dis Mense Gee Om se droom om vanjaar aan 500 mense ’n kersete te voorsien en die Kersfeesgees só te help versprei. Hulle het verlede jaar vir 300 mense kos gegee op Kersdag.
Esmarie Yssel het met Ruth Jacobsz van Mense Gee Om/People Do Care gesels oor hierdie onbaatsugtige projek.
Vir meer inligting, skakel gerus vir Ruth Jacobsz by 073-196-2956 of besoek hul Facebookblad, People Do Care/Mense Gee Om.
