8 Februarie 2023
16 honde van Meksiko se reddingsdiens is na Turkye gestuur om bystand te bied ná ‘n aardbewing van 7,8 op die richterskaal dié land vroeg Maandagoggend getref het.

Luidens die jongste inligting is 8 700 mense in Turkye en Sirië dood. Volgens ‘n CNN berig is die honde gister per vliegtuig vanaf Meksiko na Turkye gestuur om reddingswerkers te help met die soektog na oorlewendes of liggame onder die puin.
Volgens CNN is Meksiko bekend vir hulle hoogs opgeleide en gespesialiseerde soek- en reddingshonde. Hierdie honde word gereeld in Meksiko gebruik omdat dié land gereeld geruk word deur aardbewings.
Meksiko se buitelandse minister, Marcelo Ebrard het in ‘n inskrywing op Twitter gesê dat “die hart” van Meksiko tans in Turkye is. Van die honde wat help met die soektog is Julia, Ecko, Orly, Rex en Julia.
Un descanso en Dublín ,la última escala rumbo a Turquía misión rescate. pic.twitter.com/BAOdLervdl
— Marcelo Ebrard C. (@m_ebrard) February 8, 2023