25 November 2022
Dit wil voorkom asof die meeste winkels, vandag op Swart Vrydag nog meestal rustig is, in vergelyking met vorige jare toe rusies oor winskopies uitgebreek het.
Volgens ‘n regstreekse verslag deur die aanlyn betaaldiens, Payfast was die prys vir ‘n gemiddelde virtuele mandjie teen 12:00 R1322.
Die meeste geld wat per mandjie spandeer is, is R284 625. Die tweede meeste geld per mandjie is R112 592, gevolg deur R107 880. Dit is onbekend op watter platform en waaraan die geld bestee is.
Die meeste geld wat ‘n aanlyn koper teen 12:00 bestee het, is R397 217, maar dit is opgedeel in twee transaksies. Die meeste transaksies deur ‘n enkele koper is 32 transaksies teen ‘n totale bedrag van R21 962.
