Meer as 7000 moorde in drie maande gepleeg

23 November 2022

Meer as 7 000 moorde is tussen Julie tot September vanjaar in Suid-Afrika gepleeg.  

Die derde kwartaal se misdaadsyfers is vanoggend deur die minister van polisie, Bheki Cele bekend gemaak. Hy sê 3039 moorde was weens padwoede-aanvalle, argumente en misverstande.

Hoewel daar ‘n toename in alle ernstige misdade was, het die moordkoers die ergste gestyg. Die meeste moorde is in Inanda in KwaZulu-Natal gepleeg, gevolg deur Umlazi, ook in KwaZulu-Natal en Nyanga in die Wes-Kaap.

Roof met verswarende omstandighede of gewapende roof het met 22% toegeneem teenoor dieselfde tydperk verlede jaar. Motorkapings het met 23,6% toegeneem.

[AGGRAVATED ROBBERY] @SAPoliceService interventions should continue to be prioritized in identified hot spot areas, to squeeze the opportunity for criminals. #CrimeStats pic.twitter.com/kMxtfy858v

— Lirandzu Themba (@LirandzuThemba) November 23, 2022

Cele het ten opsigte van geweld teen vroue gesê dat die koers waarteen vroue in Suid-Afrika misbruik, geskend en vermoor word is kommerwekkend en onaanvaarbaar.  

Hy sê meer as 13 000 vroue is tussen Julie en September vanjaar die slagoffers van geweld met die doel om ernstig te beseer.  Meer as 10 000 verkragtingsake is aangemeld.

Volgens Cele het sowat 62% van verkragtings in die slagoffers se eie huise plaasgevind.   

#CrimeStats @SAPoliceService continue to prioritise #GBV and through their investigation, 114 life sentences were handed down for GBV crimes in the first six months of the 2022/2023 pic.twitter.com/eXhSxJuADn

— Lirandzu Themba (@LirandzuThemba) November 23, 2022