4 April 2024
Die Suid Afrikaanse Poskantoor se sakeredders het aflegginsgbriewe aan 4 700 van sy personeellede gestuur.
Die stap volg op die onderhandelinge onder toesig van die Kommissie vir Versoening, Bemiddeling en Arbitrasie. Daar is ook verdere herstrukturering om die aantal takke van 1 023 tot 653 te verminder
Die Poskantoor het nog sowat 11 000 werkers oor. Daar was aanvanklik beoog om 6 000 poste te besnoei.
Die werknemers wie se poste in gedrang kom, sal hul afleggingsbetalings in vier paaiemente oor die loop van agt maande ontvang.
Die Poskantoor het verlede jaar ’n aansienlike reddingsboei van R2,4-miljard van die regereing ontvang, wat die totale bedrag wat die staat sedert 2016 aan die poskantoor gegee het op R10,3-miljard te staan bring.
