31 Julie 2023
Minstens 45 mense is dood en nagenoeg 200 beseer in ‘n selfmoord-bomaanval in die noordweste van Pakistan.
Die ontploffing het plaasgevind by ‘n byeenkoms van die konserwatiewe Jamiat Ulema-e-Islam-party aan die buitewyke van Khar in Pakistan se Bajaur-distrik – wat aan Afghanistan grens.
Die provinsiale polisie sê die aanvaller het sy ploftoestel naby die verhoog laat ontplof waar verskeie senior partyleiers teenwoordig was. ‘n Noodtoestand is ook intussen afgekondig.
Volgens ‘n voorlopige ondersoek wil dit voorkom asof ‘n ISIS-gesteunde groep daaragter sit.
