18 Augustus 2021
Die Gautengse LUR vir gesondheid, Nomathemba Mokgethi het in antwoord op ‘n vraag van die DA in die provinsiale wetgewer gesê dat meer as 23 000 tienerswangerskappe tussen April 2020 en Maart 2021 in Gauteng aangemeld is.
934 van dié dogters was tussen tien en 14 jaar oud ten tyde van die bevalling. 19 316 meisies tussen 15- en 19 jaar oud het tydens dieselfde tydperk geboorte geskenk, terwyl 2 976 dogters tussen 10- en 19 jaar oud ‘n aborsie gekry. Dit is ‘n totaal van 23 226 tienerswangerskappe.
Die DA sê die syfers is skokkend en hartseer aangesien die moeders in die fleur van hulle lewens is ten tyde van die swangerskap.
Mokgeti het bygevoeg dat sy nie inligting beskikbaar het oor hoeveel klagtes van statutêre verkragting aanhanging gemaak is nie aangesien dit onder die departement van maatskaplike dienste en die polisie resorteer.
Hou Afrikaans op die lug
