7 Julie 2021
2055 polisiebeamptes is tot dusver teen Covid-19 ingeënt.
Die polisie het Maandag met die inenting van sy lede by die Orlando Stadion in Soweto begin. Beamptes is ook gister by die polisie se Tshwane-polisieakademie in Pretoria teen die virus ingeënt.
‘n 85-jarige skoonmaker by die akademie, Constance Makhaye is een van die persone wat gister haar inenting ontvang het. Volgens haar was sy aanvanklik skrikkerig, maar is nou verlig dat sy wel ingeënt is.
LEES OOK: POLISIEBEAMPTES VAN VANDAG AF TEEN COVID-19 INGEËNT
Die polisie sê in sy verklaring hoewel die inenting vrywillig is, moedig hy tog sy beamptes aan om die inenting te ontvang.
Luidens die verklaring is 32 565 polisielede tot op hede positief vir die virussiekte getoets met 673 polisielede wat aan Covid-19 dood is.
