21 September 2022
Nagenoeg 230 loodswalvisse het vandag aan die weskus van Tasmanië, Australië uitgespoel.
Luidens ‘n verklaring van Tasmanië Parke en Natuurlewe Dienste ondersoek mariene kundiges tans die toneel om ‘n gepaste optrede te bepaal.
Dit wil voorkom dat ten minste die helfte van hierdie walvisse reeds dood is.
‘n Massastranding het twee jaar gelede in dieselfde gebied plaasgevind met byna 500 walvisse wat gestrand het.
Net meer as 100 het dit toe oorleef.
