29 Augustus 2023
Die Dierebeskermingsvereniging in Bloemfontein sê hy moes 190 diere van kant maak, na afloop van die brande wat in groot dele van die Vrystaat gewoed het.
Die DBV sê honderde diere was reeds dood toe hy op die brandtonele in Boshoff, Brandfort, Soutpan, Verkeerdevlei en Dealesville aangekom het.
Die diere wat uitgesit moes word sluit in 160 skape, 28 beeste, twee perde en twee skilpaaie. Die DBV het in ‘n verklaring die gebeure as tragies beskryf.
Die brande het Vrydag begin, en is eers Saterdag en Sondag in bedwang gebring.
Vrystaat Landbou sê die oorsaak van die brande moet bepaal word, sowel as die finansieele verlies wat gely is.
