9 April 2021
Die Noordwes-Universiteit sê hy is steeds besig met planne om in die nabye toekoms ‘n mediese fakulteit as deel van sy leerplan op die been te bring.
Die universiteit se visekanselier, prof. Dan Kgwadi sê die uitwerking van die Covid-19-pandemie op gesondheidswerkers landswyd het hulle saak vir die behoefte aan ‘n mediese skool versterk.
Kgwadi sê hy is vol vertroue dat die NWU genoegsame hulpronne het om mediese rigtings by sy leerplan te kan voeg.
Hy sê die plan is dat mediese fakulteite op beide die Mafikeng- en Potchefstroom kampusse opgerig word.
Volgens hom is die universiteit gereed vir so ‘n stap, maar dat hul ook ondersteuning vanuit verskeie oorde nodig het om dié droom te bewaarheid.
Kgwadi sê die finale besluite oor ‘n mediese fakulteit by die NWU berus nou by die departement van gesondheid en die departement van hoër onderwys.
Volgens hom is daar nie net in Noordwes ‘n behoefte vir ‘n mediese skool nie, maar ook landswyd.
