9 Julie 2021
Die hospitaalgroep, Mediclinic het bekend gemaak dat hulle alle operasies – wat nie met noodgevalle verband hou nie – tydelik verminder of opskort by hospitale wat kwaai druk ervaar.
Dié stap is gedoen as deel van maatreëls wat ingestel word om te help om die druk weens die huidige vlaag Covid-19 infeksies op mediese instellings, te probeer verlig.
Die hospitaalgroep sê hy sien steeds die opnames se getalle styg en het mense gevra om eerder van die virtuele konsultasiediens gebruik te maak waar hulle kan.
Volgens Mediclinic ervaar sy hospitale in Gauteng, Mpumalanga, Limpopo, KwaZulu-Natal en die Wes-Kaap, die meeste druk.
Besoektye is ook aangepas en by sekere hospitale word daar slegs besoeke toegelaat by die kinder- en babasale.
Die hospitaal sê hy sal mense bystaan om virtuele besoeke aan hulle geliefdes te bring waar die behoefte bestaan
Hou Afrikaans op die lug
