10 Februarie 2025
Die voormalige EFF-kommissaris, dr. Mbuyiseni Ndlozi het uit dié party bedank.
Hoewel die ANC hom moontlik wil nader trek, het Ndlozi aangedui dat hy eerder die akademiese wêreld en die burgerlike samelewing wil betree.
Die verhouding tussen Ndlozi en die leier van die EFF, Julius Malema, het versuur omdat Ndlozi glo geweet het dat die voormalige EFF-adjunkleier, Floyd Shivambu, uit die party sou bedank en nie vir Malema daarvan gesê het nie.
Ndlozi het die afgelope naweek tydens ‘n onderhoud gesê dat hy nie die EFF se konferensie verlede jaar bygewoon het nie omdat hy reeds ses weke voor dit verbied is om dit by te woon.
