7 Januarie 2022
Mauritius het sy reisverbod op Suid-Afrikaners opgehef namate vrese vir die Omikron-variant en die verspreiding daarvan begin taan.
In ‘n verklaring het die eilandstaat se toerisme-owerheid gesê die Covid-19-reisverbod – wat deur Mauritius op Suid-Afrika, Botswana, Namibië en Zimbabwe ingestel is – sal vanaf vandag opgehef word, met kommersiële reise tussen die lande wat toegelaat word om te hervat.
‘n Direkteur van die owerheid, Arvind Bundhun sê hulle is baie bly dat Suid-Afrikaners weer na Mauritius kan reis.
Hy sê die virus het aansienlike druk op alle nasies geplaas om die regte ding te doen en hulle bedank Suid-Afrikaners en die Suid-Afrikaanse reisbedryf vir hul geduld in hierdie verband.
