5 Mei 2022
Die gesondheidsministerie sê ná konsultasie met die departement van onderwys is daar besluit dat kinders nié meer gedwing sal word om maskers by die skool te dra nie.
Dit volg nadat die regering aangekondig het dat die keerdatum vir kommentaar op sy voorgestelde gesondheidsregulasies – wat dit ten doel het om die verspreiding van Covid-19 te beperk – tot Julie-uitgestel word.
Die nuwe regulasies is reeds in die Staatskoerant gepubliseer en is van vandag af van krag.
Volgens die departement se adjunk-direkteur-generaal, dr Nicholas Crisp word skole gesien as ‘n plek van opvoeding waar kinders so vry as moontlik moet kan rondbeweeg.
Hy sê egter waar daar siek mense is, ‘n behoefte bestaan of waar sosiale afstand nie in klasse gehandhaaf kan word nie, kan mense steeds maskers dra
