17 Januarie 2023
Kinders tussen ses- en 15 jaar oud in die Thabo Mofutsanyana-distrik in die Vrystaat moet dringend teen masels ingeënt word nadat nuwe gevalle aangemeld is.
Dié distrik sluit die dorp, Bethlehem en omliggende gebiede is en toon nou die hoogste syfer van infeksie.
Die waarnemende woordvoerder van die Vrystaatse departement van gesondheid, Elke de Witt sê die departement moes dringend ingryp en kan nie wag tot die nasionale maselveldtog in Februarie nie.
Volgens De Witt is daar tans 12 aktiewe gevalle in die Vrystaat.
Al die geraakte kinders is onder 5 jaar oud. Gesondheidswerkers sal nou skole en sorgsentrums in Bethlehem besoek om kinders teen masels in te ent.
