10 Mei 2022
Die geliefde soutsmeer, Marmite, is terug op die winkelrakke ná Suid-Afrikaners dit vir byna twee jaar seldsaam in die hande kon kry, maar jy sal moet spring om dit te kry.
Dít omdat die vraag na Marmite tans groter is as die aanbod. Die vervaardigers van Marmite, Pioneer Foods, sê sodra voorraad op die rakke is, verkoop dit vinnig uit.
Die vervaardiging van Marmite was erg deur die alkoholverbod wat tydens 2020 as ‘n covid-19-maatreël ingestel was, geaffekteer.
Die verbod het ‘n terkort aan brouersgis – ‘n kritieke bestandeel van die soutsmeer – in die land en oor die wêreld tot gevolg gehad.
Pioneer Foods sê die aanbod van brouersgis het egter vroeg in Mei gestabiliseer.
Die Marmite-fabriek het intussen aangekondig dat hulle vandeesweek dubbele skofte ingestel het om die agterstand in die vervaardiging van dié smeer in te haal.
