22 Julie 2022
Die minister van minerale hulpbronne en energie, Gwede Mantasha het die vaardighede van Eskom se uitvoerende hoof, André de Ruyter bevraagteken en meen hy wonder of hy die regte persoon is om Eskom reg te ruk.
Hy het in ‘n onderhoud met die Mail & Guardian gesê dat die kragvoorsiener iemand nodig het om daadwerklik ‘n verskil te maak, maar meen weens ‘n mengelmoes van vaardighede twyfel hy of De Ruyter die korrekte persoon is.
De Ruyter het ‘n meestersgraad in besigheid van ‘n universiteit in Nederland, ‘n BA graad in die regte van Unisa asook ander grade. Mantashe sê die feit dat hy nie ‘n ingenieur is nie pla hom.
Mantashe sê wanneer hy met De Ruyter gesels kan hy hoor dat hy “teoreties baie sterk is, maar wanneer hy met die kragvoorsiener se bedryfshoof, Jan Oberholzer gesels – wat ‘n ingenieur is – kan hy die verskil tussen die twee agterkom.”
Foto: Gwede Mantashe
