24 Januarie 2022
‘n Australiese man het skuldig gepleit na die ontvoering van ‘n vierjarige kleuter in Oktober verlede jaar.
Cleo Smith en haar gesin het in die Weste van Australië gekamp toe sy verdwyn het. Die 36-jarige Terence Kelly het vanoggend in die hof erken dat hy die kleuter ontvoer het en haar 18 dae in sy huis aangehou het. Kelly is kort nadat sy gevind is in hegtenis geneem en word sedert 5 November in ‘n gevangenis in Perth aangehou.
Die Australiese media berig dat Kelly se pleit as ‘n groot verrassing gekom het omdat hulle ‘n uitgerekte verhoor verwag het.
Hy sal in aanhouding bly totdat hy op ‘n latere datum gevonnis word.
