10 November 2021
‘n 52-jarige man is op 3 November in hegtenis geneem nadat ‘n foto van hom op Facebook geplaas is, waarin hy ‘n plakkaat in die lig hou met die woorde: “… to hell with whites” daarop.
Die polisiewoordvoerder, kaptein Stephen Thakeng sê twee plaasboere het verlede week in die Ventersburg landdroshof verskyn omdat hulle na bewering vyf honde geskiet het en ‘n kind met ‘n bakkie raakgery het.
Die betrokke verdagte het saam met ‘n groep mense buite die hof verskyn, waar hy die plakkaat: “Our dogs lives matter, to hell with whites” vertoon het.
Volgens Thakeng staar die man ‘n aanklag van crimen injuria in die gesig en sal môre in die hof verskyn. Die Menseregtekommissie (MRK) het ook aangedui dat hy die voorval ondersoek.
Stem vir die Aitsa’s
