3 Januarie 2022
‘n 35-jarige man is dood nadat hy by die Lisbon-waterval – naby Graskop in Mpumalanga – gegly en verdrink het.
Die polisiewoordvoerder kaptein Gugu Phiri sê die polisie se provinsiale duik-eenheid het die man se liggaam uit die water gehaal.
Die omstandighede van die voorval – asook die man se identiteit – is nog nie bekend gemaak nie.
Die provinsiale kommissaris van die polisie, luitenant-generaal Semakaleng Manamela, het ‘n beroep om toeriste gedoen om ag te slaan op waarskuwingstekens en veiligheidsversperrings en om ook nie oormatig te drink wanneer hulle besienswaardighede besoek nie.
