3 Januarie 2021
‘n 49-jarige man, wat in verband met die brand by die parlement in Kaapstad in hegtenis geneem is, sal môre in die hof verskyn.
Die Valke het gister bevestig dat die man in hegtenis geneem is op klagte van huisbraak en diefstal by ‘n Nasionale Sleutelpunt. Hy het glo die parlement ingebreek deur een van die agtervensters.
LEES OOK: BRAND BY DIE PARLEMENT VERSPREI NA DIE NUWE VLEUEL
Die man is glo van Khayelitsha en dokumente is in sy besit gekry.
Intussen sê amptenare van die Kaapstadse-metro dit is nog nie moontlik om te bepaal hoe groot die skade aan die parlementêre gebou is nie.
Die burgemeesterskomiteelid vir veiligheid, JP Smith sê brandbestryders is tans op die vierde vloer van die gebou, waar talle boeke en boekrakke nog smeul. Hy sê dit blyk asof die brand by die res van die gebou onder beheer is.
LEES OOK: KYK: OU VOLKSRAADSAAL BY PARLEMENT BRAND, SÊ MINISTER
Foto: News24
