3 Januarie 2022
Bedrywighede by die Bloemfonteinse Bram Fischer-lughawe moes vanoggend opgesort word nadat ‘n man – wat na Kaapstad wou reis – glo met twee handgranate betrap is.
Die gebou is omstreeks 08:00 vanoggend ontruim en personeel en reisigers moes in die parkeerterrein bymekaar kom.
Twee lede van die lughawe se veiligheidspersoneel het – onafhanklik van mekaar – die voorval bevesig.
Hoewel vlugte herlei en vertraag is – en ooggetuies die polisie op die toneel gewaar het – was die polisie traag om op die berigte te gereageer.
As ‘n veiligheidsmaatreël is net reisigers later op die perseel toegelaat en is besoekers weggewys.
Die voorval word ondersoek en die lughawe moet ook nog amptelik op die bewerings reageer.
